En neues Johr – en neues Ziel, Alles anders! Jlöcksjeföhl!
Ich stell mi Levve op dä Kopp, Ich änder‘ mich total
Nimmie rouche , ich nemme av, Kein Schokolad‘, die mäht nur schlaff
jesünder esse – nur noch Tee, Alkohol passee! jo
Morje, weed ich dofür sorje
Morje, weed alles anders, als et wor – jo
Morje, maach dr blos kein Sorje
Morje , weed alles neu im neue Johr
Et Auto loss ich öfter stonn, Mer kann ze Fooss noh Kölle jonn
Et Smartphone loss ich Handy sin, Ich schalt et janit en!
Ach ja: die Schulde bei der Bank, die maache mich jetz‘ nit mieh krank
Ich spill jetz‘ Lotto un jewinn‘, wie künnt et anders sin? jo
Morje, weed ich dofür sorje…
Ich schmieße alles övver Bord, wat ich nit bruch
Spring nit mieh op, op jede Zooch!
Un wenn dat alles dies Johr nit mieh klappe sullt
Dann wor ich dat bestimmt nit schuld (janz bestimmt nit)
Morje, weed ich dofür sorje…
Morje – meld ich mich bei facebook av
Morje – maach ich widder minge Middagsschlof
Morje – loss ich die fünf einfach jrade sin
Morje – kümmer ich mich öm mi Doppelkinn
Morje – saach ich mingem Chef, wo et lang jeiht
Morje – et wör nur blöd, wenn dä dat falsch versteiht…
Morje – na ja – ens sin, wat möchlich is
Morje – vielleich‘ verzäll ich och nur Driss…
Morje ……
