Wenn de Musik janz beschwingt, jede Jeck zom danze bringt,
dann denkste unbedingt: Hür ens, wie dat swingt.
Dann wed sich enjeklingkt un wenn dä Rausch Dich dann durchdringt,
un Dich die Schwerkraf´ nit bezwingt, dann spürst Du unjeschminkt,
dat Ding janze Angst zerinnt – nur weil e Leed erklingt,
dat he jeder singt un alle Jrenze üvverspringt.
Ref.:
Mir maache he unser Ding, in Kölle am Rhing
Krieje nie jenooch – mir krieje nie jenooch.
Mir maache he unser Ding, in Kölle am Rhing
Krieje nie jenooch – mir krieje nie jenooch.
Mir maache he unser Ding – un mir laade Dich en.
Mir maache he unser Ding – in Kölle am Rhing
Ach wat es dat wunderbar, jetzt is widder alles klar:
Mir sagen alle JA un singe Tralala!
Beim kölsche Kaviar – bestelle noch en Rund Tartar,
un die Mädcher schreie: AAAHHHH!
Do kütt ´ne Kommissar un säht lapidar: Letzte Rund´ unmittelbar …
Nä – is´ klar säht do die janze Schar, Du bes unsre Superstar.
