Weihnachtszigg – stille Zigg
Chris’kind es op Tour
Alle Pänz – dröume Dröum
Wünsche weede wohr
Kuscheldiere, gameboy un‘
e Rädche, e Schöckelpääd
Jede Wunsch, dä sich erfüllt,
is Himmel op dr Ääd
Kinder-Auge leuchte hell
En dr Weihnachtszigg
Un et jitt nix schöneres
Als e Kinder-Jlöck
Kinder-Auge sagen uns
Freud is mieh als Jeld
Kinder zeije unjeschmink
Dat, wat wirklich zällt
Hillije Naach – stille Naach
dä Boum mit Kääzeleech
En dr Stuv – e Jlöckche lügg
Pänz sin opjerääch
Vierunzwanzisch Daach jewaad
Unjeduld wor jroß
bunte Päckcher rofe laut
pack mich endlich us
Kinder-Auge leuchte hell
En dr Weihnachtszigg
Un et jitt nix schöneres
Als e Kinder-Jlöck
Kinder-Auge sagen uns
Freud is mieh als Jeld
Kinder zeije unjeschmink
Dat, wat wirklich zällt
