Die janze Welt es usser Rand un Band,
se fiere Carneval in jedem Land.
Dr Düvel met nem Engel Hand in Hand,
en jeder Sproch do es Carneval bekannt.
Do verjiss mr för paar Stunde ens dä Stress,
do es jeder echt – un wie hä wirklich es!
Ref.:
Carneval – ole-ola – mer fiere Carneval
Carneval – ole ola – op jeden Fall
Carneval – ole ola – wat es hück schon normal?
Carneval – et Levve es ne Maskenball!
En Kölle danze Jecke durch de Stadt
un en Venedig sin Maske anjesaat.
Am Strand von Rio jitt et die Parad,
se danze Samba – och bei 40 Jrad.
Spaß un Freud, dat es et einzije op dr Welt,
wat sich verdoppelt, wemmer et met andere deilt!
Ref.:
Carneval – ole-ola – mer fiere Carneval
Et jitt Kamelle un Strüßjer en Kölle,
en Rio spelle die Samba-Kapelle.
Un en Venedig, do fiert mr schon iwig –
dä Carneval.
2 x Ref.:
Carneval – ole-ola – mer fiere Carneval
